Log in to report a catch. It is free.

Salsvilkår

Desse vilkåra gjeld når du kjøper Lakselogg Pluss eller vald-tilgang for grunneigarar på lakselogg.no.

Sist oppdatert: 21. november 2026

1. Partar

Seljar er Elvestryk AS. Kjøpar er den som betaler.

Elvestryk AS
Org.nr. 936 698 212
Suldalsvegen 1210, 4237 Suldalsosen

Tlf. 971 15 583 · post@lakselogg.no

2. Kva du kjøper, og prisen

  • Lakselogg Pluss for fiskarar: 99 kr. Gjev alle analysane på lakselogg.no ut året det er kjøpt. Kjøper du frå og med 1. oktober, gjeld Pluss ut neste år. Kjøper du på nytt medan du har Pluss, blir det forlengt med eitt år.
  • Vald for grunneigarar: 499 kr eks. mva (623,75 kr inkl. mva) per sesong. Gjev alt i Lakselogg Pluss, og at du kan opne valdet for at fiskarane registrerer fangsten sjølve, og godkjenne fangsten som blir registrert der.

Prisen er totalprisen, medrekna meirverdiavgift. Det kjem ikkje gebyr eller andre kostnader i tillegg. Prisen som gjeld, er den som står på sida når du betaler.

3. Bestilling og avtale

Du loggar inn, vel Pluss og betaler. Avtalen er bindande når betalinga er godkjend. Vald for grunneigarar blir bestilt med registreringsskjemaet, og avtalen gjeld når vi har stadfesta valdet.

4. Betaling

Du betaler med Vipps eller med betalingskort. Sida viser kva betalingsmåtar du kan velje. Beløpet blir trekt når du betaler. Betalinga går gjennom Vipps MobilePay og Stripe, og vi får aldri sjå eller lagre kortnummeret ditt.

5. Levering

Pluss blir levert digitalt straks betalinga er stadfesta, og analysane er opne med ein gong. Sida «Pluss» viser kor lenge det gjeld. Vald for grunneigarar blir opna når vi har stadfesta valdet, normalt innan to vyrkedagar. Ingenting blir sendt i posten. Har du betalt utan å få tilgang innan ein time, tek du kontakt med oss.

6. Angrerett

Du kan angre kjøpet innan 14 dagar frå kjøpsdagen, utan å oppgje grunn. Send ein e-post til post@lakselogg.no med namnet ditt og datoen du kjøpte. Vi betaler heile beløpet tilbake til den same betalingsmåten innan 14 dagar etter at vi fekk meldinga, og tilgangen blir avslutta.

7. Retur, oppseiing og endring

Pluss og vald-tilgang er digitale tenester, så det er ingenting å sende i retur. Det er inga binding og ingenting å seie opp: tilgangen blir ikkje fornya av seg sjølv og sluttar på datoen som står på sida «Pluss». Vil du halde fram, kjøper du på nytt, og du får ei påminning før neste sesong. Utanom angreretten betaler vi ikkje tilbake for tid du ikkje brukar. Vil du endre noko, til dømes kva vald tilgangen gjeld, tek du kontakt med oss. Er du trekt to gonger for det same kjøpet, betaler vi tilbake det du har betalt for mykje.

8. Reklamasjon

Er det noko feil med tenesta eller kjøpet, til dømes at du har betalt utan å få tilgang, melder du frå til oss så snart du kan etter at du oppdaga feilen. Vi rettar feilen. Kan vi ikkje rette han, får du pengane tilbake.

9. Konfliktløysing

Ta kontakt med oss først, så prøver vi å finne ei løysing. Blir vi ikkje samde, kan du be Forbrukartilsynet om mekling, på telefon 23 400 600 eller på forbrukertilsynet.no. Vilkåra følgjer norsk rett.

10. Personopplysningar

Korleis vi handsamar opplysningane dine, står i personvernerklæringa.