Vilkår for bruk

Slik fungerer Lakselogg, og kva vi og du har ansvar for

Sist oppdatert: 21. november 2026

1. Kven står bak

Lakselogg (lakselogg.no) er eigd og driven av Elvestryk AS. Tenesta viser fangst, oppgang i laksetrappene og vassføring i Suldalslågen, og lèt fiskarar registrere fangst. Kontakt oss på post@lakselogg.no.

Elvestryk AS
Org.nr. 936 698 212
Suldalsvegen 1210, 4237 Suldalsosen

2. Konto og innlogging

Mykje av Lakselogg kan brukast utan konto. Med konto loggar du inn med e-post eller med Vipps. Du må vere minst 15 år for å logge inn med Vipps. Du er ansvarleg for at opplysningane om deg er rette, og for at ingen andre brukar innlogginga di.

3. Fangst og bilete

Du er ansvarleg for at fangstane du registrerer, er rette. Bilete du lastar opp, må du ha rett til å bruke. Fangstar og bilete kan visast i den offentlege statistikken og i biletgalleriet, utan namnet ditt om du vel å stå anonymt. Vi kan fjerne innhald som er feil, krenkjande eller i strid med vilkåra.

4. Medlemskap

Nokre delar av Lakselogg, som analysane, er berre for Pluss-medlemer. Pris, betaling, levering, angrerett og korleis medlemskapet sluttar, står i salsvilkåra. Pluss blir ikkje fornya av seg sjølv, og det er ingenting å seie opp.

5. Statistikk og ansvar

Tala byggjer på registreringar frå fiskarar, laksetrappene og NVE, og kan innehalde feil eller manglar. Lakselogg blir gitt som han er. Elvestryk AS er ikkje ansvarleg for tap som følgje av at du brukar tala, eller for at tenesta er utilgjengeleg i periodar.

6. Personvern

Korleis vi handsamar personopplysningar, også dei vi får frå Vipps, står i personvernerklæringa.

7. Endringar og lovval

Vi kan endre vilkåra. Vesentlege endringar blir varsla på nettsida før dei gjeld. Vilkåra følgjer norsk rett.